දඹුල්ල ආර්ථික මධ්‍යස්ථානයේ කඩ කාමර පෙළක අද රාත්‍රී හටගත් ගින්නකින් එහි කඩ කාමර 6ක් විනාශ වී තිබේ.
එම කඩ කාමර ලෑලි වලින් සාදා ඇති නිසා ගින්න වඩාත් පහසුවෙන් පැතිර ගොස් ඇති අතර ගින්නට හේතුව අනාවරණය වී නැත.
කෙසේ වුවද එකී ගින්න සාර්ථකව මැඩ පැවැත්වීමට ගිනි නිවන භටයින් සමත්ව ඇති බව පොලිස් මාධ්‍ය ප්‍රකාශක කාර්යාලය පැවසීය.
මේ අතර මාතලේ හඳුන්ගමුව, මාරකරදුන්නේ වැව ප්‍රදේශයට අද පස්වරුවේ හමා ගිය තද සුළඟකින් නිවාස බොහෝමයක සෙවිලි තහඩු ගැලවී ගොස් ඇති බව ආපදා කළමනාකරණ මධ්‍යස්ථානය කියයි.
මෙම ආපදාවෙන් විපතට පත් ජනතාවට අවශ්‍ය සහන ලබාදීමට විල්ගමුව ප්‍රාදේශීය ලේකම් කාර්යාලය කටයුතු යොදා ඇත.
No comments:
Post a Comment