අනුරාධපුර ශික්ෂණ රෝහලේ ගිණුම් අංශයේ කාන්තා වැසිකිලියේ සී සී ටී වී කැමරා සවිකිරීමේ සිද්ධියක් සම්බන්ධයෙන් සැකකාර වෛද්‍යවරයා පසුගිය වසරේ දෙසැම්බර් 31 වැනිදා පොලීසිය වෙත භාරවුණා. සිද්ධිය සම්බන්ධයෙන් අනුරාධපුර රෝහලේ වෛද්‍යවරයෙකු සිදුකළ පැමිණිල්ල සම්බන්ධයෙන් කළ විමර්ශනයකින් අනතුරුවයි සැකකාර වෛද්‍යවරයා පොලීසියට භාරවූයේ. ඔහු අත්අඩංගුවට ගැනීමෙන් අනතුරුව එම සී සී ටී වී කැමරාවේ දත්ත කොළඹ බණ්ඩාරනායක ජාත්‍යන්තර සම්මන්ත‍්‍රණ ශාලාවේ හදිසි ප‍්‍රතිචාර සංසදයේ මෙහෙයුම් කළමනාකරු වෙත යවා ඒ සම්බන්ධයෙන් වාර්තාවක් අධිකරණයට ඉදිරිපත් කරන ලෙස අනුරාධපුර ප‍්‍රධාන මහේස්ත‍්‍රාත් රුවන්දිකා මාරසිංහ මීට පෙර අනුරාධපුර පොලීසිය වෙත නියෝග කර තිබුණා. ඒ සම්බන්ධයෙන් වාර්තාවද මේ වනවිට මහේස්ත‍්‍රාත් අධිකරණය වෙත ඉදිරිපත් කර තිබෙනවා. සැකකාර වෛද්‍යවරයා මේ වනවිට ඇප මත නිදහස් කර ඇති අතර අනුරාධපුර මූලස්ථාන පොලීසිය විසින් වැඩිදුර පරීක්ෂණ සිදු කරනවා.
No comments:
Post a Comment