පැහැරගත් දරුවා බේරාගනී

මීගලාව කටුගම්පලදී සන්නද්ධ පිරිසක් විසින් ඉකුත් 28 වැනිදා රාත්‍රියේ පැහැරගන්නා ලද සිව් හැවිරිදි දනිඳු යශේන් දරුවා නිරුපද්‍රිතව මුදා ගැනීමට අපරාධ පරීක්ෂණ දේපාර්තමේන්තුව සිකුරාදා (1 දා) රාත්‍රියේ සමත් විය. ගල්ගමුව ප්‍රදේශයේදී දරුවා මුදාගත් අපරාධ පරීක්ෂණ දෙපාර්තමේන්තු නිලධාරීන් දරුවා පැහැරගත් සැකකරුවන් සිව් දෙනාද අත්අඩංගුවට ගෙන තිබේ. ඉකුත් 28 වැනිදා දරුවා පැහැර ගැනීමෙන් අනතුරුව ඔහුගේ පියාගෙන් රුපියල් කෝටියක කප්පමක්ද සැකකරුවන් ඉල්ලා තිබුණි. දරුවා නිරුපද්‍රිතව සිටින බව දැනගැනීමෙන් පසු අපරාධ පරීක්ෂණ දෙපාර්තමේන්තුවේ සැලසුමකට අනුව එම මුදල් ලබා දීමට පියවර ගෙන සැකකරුවන් අත්අඩංගුවට ගැනීමට කටයුතු කර තිබේ. සැකකරුවන් දරුවාගේ පියා හොඳින් දන්නා හඳුනන, එම ප්‍රදේශයේම අය බව ‍පොලිස් ආරංචි මාර්ග අනාවරණය කරයි.