කොළඹ නගරය ආශ්‍රිතව හෙරොයින් බෙදාහැරීමේ ජාවාරමක තොරතුරු හෙළිකර ගැනීමට පානදුර වලාන මධ්‍යම දූෂණ මර්දන ඒකකය සමත් වී තිබේ. එම ඒකකයට ලැබුණු තොරතුරකට අනුව සිදුකළ වැටලීමකදී කොළඹ ඩාර්ලි මාර්ගයේ පිහිටි පුද්ගලික ආයතනයක රථගාලක් තුළ ගැණුම්කරුවෙකුට ලබාදීම සඳහා හෙරොයින් රැගෙන ආ පුද්ගලයින් දෙදෙනෙකු අත්අඩංගුවට ගනු ලැබුණි.
ත්‍රීරෝද රථයකින් පැමිණි අදාළ පුද්ගලයින් දෙදෙනා සතුව තිබී හෙරොයින් ග්‍රෑම් 25ක් සොයාගත් බව පොලීසිය සඳහන් කළේය.
ඔවුන්ගෙන් සිදුකළ ප්‍රශ්න කිරීම් වලදී ආදුරුප්පුවීදිය ප්‍ර දේශයේ නිවසක තිබී තවත් හෙරොයින් ග්‍රෑම් 25ක් සහ එම නිවසේ හිමිකරු අත්අඩංගුවට ගෙන තිබේ.
හෙරොයින් “කිරීම“ සඳහා යොදාගත් විදේශ රටකින් ආනයනය කරන ලද තරාදියක් ද සොයාගත් බව පොලීසිය සඳහන් කළේය.
සැකකරුවන් විසින් කාලයක සිට කොළඹ ප්‍රදේශයේ හෙරොයින් බෙදාහැරීම සිදුකර ඇති බවට පොලීසිය සිදුකළ පරීක්ෂණ වලින් අනාවරණය වී තිබේ.
අත්අඩංගුවට ගත් සැකකරුවන් තිදෙනා වැඩිදුර පරීක්ෂණ කටයුතු සඳහා මරදාන පොලීසිය වෙත බාරදුන් බව පානදුර වලාන මධ්‍යම දූෂණ මර්දන ඒකකය සඳහන් කළේය.
No comments:
Post a Comment