මාදම්පේ - ඉරට්ටකුලම ප්‍රදේශයේදී මෝටර් රථයක් මාර්ගයෙන් ඉවතට පැන ගසක
හැපීමෙන් සිදුවී ඇති අනතුරකින් එක් අයෙකු මිය ගොස් තවත් සිව්දෙනෙකු රෝහල්
ගත කර ඇති බව මාදම්පේ පොලීසිය කියයි.අද (13) වැනිදා සවස මෙම අනතුර සිදුවී ඇත.
අනතුරින් මිය ගොස් ඇත්තේ දෙහිවල පදිංචිකාරියක් වන සිවපාලන් මධුරා (25) නම්වූ තරුණියකි.
කොළඹ සිට යාපනය දක්වා ධාවනය වෙමින් තිබූ මෝටර් රථයක් මාර්ගයෙන් ඉවතට පැන ගසක ගැටීමෙන් මෙම අනතුර සිදුවී ඇත.
අනතුරින් තුවාල ලැබූ දෙහිවල පදිංචිකරුවන් වන සංකරපුල්ලේ නවනීනන්,සිවබාහු නවනීදන්,කිරියාන සම්බන්ධන්,සහ නවනීදන් භාව්‍යා යන අය හලාවත මහා රෝහලට ඇතුළත් කිරීමෙන් පසුව කොළඹ ජාතික රෝහලට මාරු කර යවා තිබේ.
අනතුරින් තුවාල ලබා සිටි සිවපාලන් මධුරා නම්වූ තරුණිය මිය ගොස් ඇත්තේ කොළඹ ජාතික රෝහලේදී ප්‍රතිකාර ලබමින් සිටින අතරතුරය.
මාදම්පේ පොලීසියේ රථවාහන අංශය වැඩිදුර පරීක්ෂණ කරගෙන යයි.
No comments:
Post a Comment