එල්.ටී.ටී.ඊ. සංවිධානයට ඉන්දියාව තුළ පනවා ඇති තහනම තවත් වසර 5කින් දීර්ඝ කිරීමට එරට රජය පියවර ගෙන තිබේ.
ඒ අනූව 2014.05.14 සිට ඉදිරියට තවත් වසර 5ක් ඉන්දියාව තුළ එල්.ටී.ටී.ඊ සංවිධානයට පනවා ඇති තහනම දීර්ඝ වනු ඇත.
ඉන්දියාව තුළ නීති විරෝධි ක්‍රියා වැළැක්වීම සඳහා වන 1967 පනත පදනම් කර ගනිමින් එරට ස්වදේශ කටයුතු අමාත්‍යංශය විසින් මෙම තහනම පනවා තිබේ.
ඉන්දියාව තුළ මුල්වරට ඉන්දියාව තහනම් ත්‍රස්ත සංවිධානයක් ලෙස නම් කර ඇත්තේ 1991 වසරේදී ඉන්දීය අග්‍රාමාත්‍ය රජිව් ගාන්ධි මහතා ඝාතනය කිරීමෙන් පසුවය.
අවසන් වරට ඉන්දියාව තුළ එම සංවිධානයට ඇති තහනම 2012 මැයි මස සිට යළි සිව්වසරකට දිගු කෙරිණි.
2009 වසරේදී එල්.ටී.ටී.ඊය ත්‍රස්තවාදී සංවිධානයක් ලෙස යුදමය වශයෙන් පරාජයට පත්වුවද වෙනම රාජ්‍යයක් සඳහා වන ඔවුන්ගේ “ඊළාම්“ සංකල්පය තවමත් බැහැරව ගොස් නැත.
එම සංවිධානය යළි ගොඩනැඟීම සඳහා මූල්‍යාධාර රැස්කරන පුද්ගලයින් ගැන ආරක්ෂක අංශ විසින් පසුගිය කාලයේදී අනාවරණය කර ගෙන ඇති තොරතුරු මත පදනම්ව ඔවුන් සම්බන්ධයෙන් මෙම ක්‍රියාමාර්ගය ගැනීමට ඉන්දීය බලධාරීන් පියවරගෙන තිබේ.
No comments:
Post a Comment