එල්.ටී.ටී.ඊ. සංවිධානයේ හිටපු නායක වේළුපිල්ලේ ප්‍රභාකරන්ගේ මරණය සිහිපත්
කරන වැඩසටහන් නොපවත්වන්නැයි එරට වෙරළාරක්ෂක බලකාය ශ්‍රී ලාංකික
සරණතාගතයින්ට උපදෙස් ලබා දී තිබේ.
ඉන්දියාවේ තමිල්නාඩුවට ආසන්න කේස්පුදුපත්තු ශ්‍රී ලාංකික සරණාගත කඳවුරකට පැමිණි ඉන්දීය වෙරළාරක්ෂක බලකායේ නිලධාරීන් කණ්ඩායමක් මීට අදාළ වැඩමුළුවක් පවත්වමින් මෙම උපදෙස් ලබා දී ඇත.
එම වැඩමුළුවේ ප්‍රධානියෙකු වූ ආර්. සේකර් ඉන්දියාවේ “ ද හින්දු” පුවත්පතට පවසා ඇත්තේ ප්‍රභාකරන් සම්බන්ධයෙන් කිසිදු වැඩසටහනක් එළඹෙන 18 හා 19 දිනවල සංවිධානය නොකරන්නැයි සරණාගතයින්ට දැනුම්දුන් බවයි.
කඳවුරුවල වෙසෙන ජනතාව අතර අසමගිය ඇති වන ආකාරයේ කිසිවක් නොකරන බව එකී සරණාගතයින් පැවසුවේ යැයි ආරක්ෂක නිලධාරීයා වැඩිදුරටත් පුවත්පතට පවසා තිබේ.
එසේම එකී ප්‍රදේශයට නාදුනන කවරෙකු හෝ පැමිණියහොත් පොලීසියට මෙන්ම වෙරළාරක්ෂක නිලධාරීන්ට කඩිනමින් දැනුම්දෙන ලෙසට සරණාගතයින් දැනුවත් කළ බව හෙතෙම පවසා ඇත.
කේස්පුදුපත්තු සරණාගත කඳවුරේ පවුල් 454ක් පමණ ජීවත් වන බවත් ඔවුන්ගේ ප්‍රධාන රැකියාව ධීවර කර්මාන්තය වුවද මේවන විට දින 45 ක කාලයක් එම කටයුතු අත්හිටුවා ඇති බැවින් විවිධ රැකියා කරමින් සිය ජීවනෝපාය සලසා ගන්නා බව ඉන්දීය මාධ්‍ය වාර්තා වැඩිදුරටත් අනාවරණය කරයි.
No comments:
Post a Comment