ශ්‍රී ලංකාවේදී අත්විඳි 'පිළිකුල්
සහගත' අත්දැකීම හේතුවෙන් තමා යළිත් වරක් ශ්‍රී ලංකාවේ සංචාරය නොකරන බව
බුදු රුව සහිත පච්චයක් අතේ තිබීම නිසා පිටුවහල් කෙරුණු බ්‍රිතාන්‍ය ජාතික
කාන්තාව පවසයි.
'කළ කළ දේ පළ පළ දේ කියල මම විශ්වාස කරනවා'
විශේෂයෙන්ම ශ්‍රී ලංකා ආරක්ෂක නිලධාරීන්ගේ නොමනා හැසිරීම සහ බලහත්කාරයෙන් මුදල් ලබා ගැනීම පිළිබඳව පැමිණිලි කිරීමෙන් අනතුරුව යලි ශ්‍රී ලංකාවේ සංචාරය කිරීම ආරක්ෂා සහිත යයි තමන්ට නොහැඟෙන බවද සඳහන් කළාය.
තමා සමඟ ලිංගිකව එක් වන මෙන් එක් බන්ධනාගාර නිලධාරියකු යෝජනා කළ බව සංදේශයට කියා සිටි නයෝමි කෝල්මන්, බන්ධනාගාර නිලධාරිනියක් තමාගෙන් අල්ලස් ඉල්ලා සිටි බවද කියා සිටියාය.
'බුදුන්ට උපහාර'
බුදු රුව සහිත පච්චයද සහිතව 2008 දී සහ 2009 දී ශ්‍රී ලංකාවේ සංචාරය කළ නමුත් මෙවැනි කර්කශ අත්දැකීමකට මුහුණ නොදුන් බව පවසන ඇය අවධාරණය කරන්නේ මෙවර සංචාරයේදී තමන්ට මුහුණ දීමට සිදු වූයේ ශ්‍රී ලංකාවේ වෙසෙන 'අන්තවාදීන්' පිරිසකට බවයි."මගේ පච්චය බුදුන් වහන්සේට සහ මම අදහන ධර්මයට පුදන ප්‍රණාමයක්. අපහාසයක් නොවේ. ඒ වගේම ඒක මම අදහන දේ ප්‍රකාශ කිරීමේ මගේ අයිතිය," යනුවෙන්ද ඇය සඳහන් කළාය.
"මගේ පච්චය බුදුන් වහන්සේට සහ මම අදහන ධර්මයට පුදන ප්‍රණාමයක්. අපහාසයක් නොවේ. ඒ වගේම ඒක මම අදහන දේ ප්‍රකාශ කිරීමේ මගේ අයිතිය"
නයෝමි කෝල්මන්
ශ්‍රී ලංකා සංචාරක මණ්ඩලය නොමිලේ ශ්‍රී ලංකා සංචාරයක් යෝජනා කළ නමුත් තමා යලි ශ්‍රී ලංකාවට නොයන බැවින්, වෙනත් රටක සංචාරයක් ලබා දෙන්නේ නම් වඩා යෝග්‍ය බව ඇයගේ අදහසයි.
'නඩු මඟට'
සිදුවූ දේ සම්බන්ධයෙන් බොහෝ ශ්‍රී ලාංකිකයන් බරපතල කණගාටුව පළ කළ බවත් නයෝමි කෝල්මන් සංදේශයට කියා සිටියාය."සමහරු මට පණිවුඩ එවල තියෙනව ශ්‍රී ලාංකිකයන් වීම ගැන ඔවුන් ලජ්ජා වෙනවා කියල," යනුවෙන්ද ඇය සඳහන් කළාය.
බෞද්ධයකු වශයෙන් කිසිවකුගෙන් පලිගැනීම සිය අභිප්‍රාය නොවන නමුත්, කිසිවෙකු වරදක් කළේ නම් අනිවාර්යයෙන්ම එහි විපාක විඳිනු ඇතැයි තමන් දැඩිව විශ්වාස කරන බවද බ්‍රිතාන්‍ය ජාතික හෙදිය පවසන්නීය.
"මට පළිගැනීමේ චේතනාවක් නෑ. ඒත් මම කර්මය විශ්වාස කරනවා. කළ කළ දේ පළ පළ දේ කියන එක මම දැඩිව විශ්වාස කරනවා."
No comments:
Post a Comment