මෝඩයින් නොවන බව දෙමළ ජාතික සන්ධානය පවසයි.
එහි මාධ්‍ය ප්‍රකාශක පාර්ලිමේන්තු මන්ත්‍රී සුරේෂ් ප්‍රේමචන්ද්‍රන් පවසන්නේ යුද්ධය නිමවී වසර 4ක් ගතවී තිබියිදීත් හමුදා පාලනය යටතේ දෙමළ ජනතාව ජීවත් වෙමින් සිටින බව ජාත්‍යන්තර ප්‍රජාව දන්නා බවයි.
මේ බව සඳහන් කරමින් දෙමල සන්ධාන මාධ්‍ය ප‍්‍රකාශකවරයා මෙසේද අදහස් පල කර ඇත.
යුද්ධය අවසන් වී ඇත. නමුත්, සාමකාමී වාතාවරණයක් පවතින බව ප්‍රකාශ කිරීමට නොහැකිය. දෙමළ සහ සිංහල ජනතාව ඒකාබද්ධ වී එකමුතුව ජීවත්වීමට හැකි වාතාවරණයක් තවමත් ඇතිවී නොමැත. ආරක්ෂක ලේකම්වරයා රටේ සාමකාමී වාතාවරණයක් පවතින බවත්, එය විනාශ කිරීමට විදේශීය බලවේග උත්සාහ කරන බවට කරන ප්‍රකාශය පිළිගැනීමට නොහැකිය.
යුද්ධය අවසන් වී වසර 4ක් ගතවී ඇති අවස්ථාවකදී, උතුරු ප්‍රදේශ‍යේ දෙමළ ජනතාව හමුදා පාලනයක් තුල ජීවත් වෙමින් සිටියි. බොහෝ හමුදා කඳවුරු ඉවත්කර ඇති බව පැවසුවත්, හමුදා කඳවුරු ව්‍යාප්ත කරමින් සිටියි. ඒ සඳහා ජනතාවගේ පාරම්පරික ඉඩම් පවරා ගනිමින් සිටියි.
ලෝකයේ කුමන රටකදී හෝ හමුදා පාලනයක් තුල ජනතාව ජීවත්වන්නේ නම්, ඒ සෑම රටකම අඛණ්ඩවම සටන් සිදුවෙමින් තිබෙනු ඇත. එය න්‍යායකි. එය වෙනස් කිරිමට නොහැකිය. රටේ සාමයක් නොමැත. යුද්ධය අවසන් වී වසර 4ක් ගතවී ඇත. රජය විසින් පොළඹවන සිංහල බෞද්ධ ජාතිවාදී බලවේග මධ්‍යයේ, දෙමළ ජනතාව සිරකරුවන් බවට පත්වී සිටින අතර, සිංහල බෞද්ධ ජාතිවාදී බලවේගයන් පොළඹවා හින්දු කෝවිල්, මුස්ලිම් පල්ලි සහ ක්‍රිස්තියානි දේවස්ථාන වෙත පහරදී එම ස්ථාන කඩා බිඳදමා විනාශ කරමින් සිටියි. එමෙන්ම දෙමළ ජනතාවගේ අයිතිවාසිකම් ලබානොදී, සිංහල බෞද්ධ ජාතිවාදී බලවේගයන්ගේ වහල්ලුන් ලෙස දෙමළ ජනතාවට ජීවත් වීමට සිදුවී ඇත. දෙමළ ජනතාවගේ අයිතිවාසිකම් ඉල්ලීම ප්‍රතික්ෂේප කිරීම රජයේ ප්‍රතිපත්තිය වේ.
රජයේ සාමය සහ ජාතික සංහිදියාව වචනයට පමණක් සීමාවී ඇත. ක්‍රියාවේ නොමැත. දෙමළ ජනතාවගේ ගැටළුව රට අභ්‍යන්තරය තුල විසඳීමට හැකිය. විදේශ රටවල් වල සහයෝගය අවශ්‍ය නොමැත. දේශපාලන දැනුමක් අපට ඇතැයි යනුවෙන් ආරක්ෂක ලේකම් කරන ප්‍රකාශයට ජාත්‍යන්තර ප්‍රජාව සවන් නොදෙනු ඇත. එයට හේතුව, ඒ කිසිවක් රටතුල ක්‍රියාත්මක නොමැත. ජාත්‍යන්තර ප්‍රජාව හෝ එම රටවල නායකයන්, ඔහු කරන ප්‍රකාශයන් වලට සවන්දීමට තරම් මෝඩයින් නොවේ.
2014 මාර්තු මස පැවැත්වීමට නියමිත එක්සත් ජාතීන්ගේ මානව හිමිකම් සැසිවාරයේදී, යුද අපරාධ සම්බන්ධයෙන් දෙමළ ජනතාවට යුක්තියක් ලැබෙනු ඇතැයි විශ්වාස කරන්නෙමු.
No comments:
Post a Comment