නොරොච්චෝලේ තඹ කම්බි හොරකමක් මාට්ටු

නොරචෝලේ තාප විදුලි බලාගාරයේ තිබූ බව කියන තඹ කම්බි තොගයක් සොරකම් කළ සැකකරුවන් තිදෙනෙකුව ඔවුන් විසින් සොරකම් කරන ලද තඹ කම්බි තොගයක්ද සමග කල්පිටිය පොලීසිය විසින් අත්අඩංගුවට ගෙන ඇත. අත්අඩංගුවට ගෙන ඇත්තේ කල්පිටිය - මාම්පූරිය ප්‍රදේශයේ පදිංචිකරුවන් තිදෙනෙකුවය. පසුගිය 29 වැනිදාරාත්‍රීයේ තාප විදුලි බලාගාරයේ ආරක්ෂක වැට කපා ඇතුළු වී එහි තිබූ රුපියල් 2,31‍,000 ක් වටිනා තඹ කම්බි සොරා ගෙන ගොස් ඇති බව නොරචෝලේ ලක් විජය තාප විදුලි බලාගාරයේ ආරක්ෂක නිලධාරියෙකු ලෙස සේවය කරන හොං ජිං චේන් යන අය 30 වැනිදා කල්පිටිය පොලීසියට පැමිණිලක් කරමින් සදහන් කර ඇත.ඒ අනුව ක්‍රියාත්මක වී ඇති පොලීසිය සැකකරුවන් තිදෙනා අත්අඩංගුවට ගෙන ප්‍රශ්ණ කිරීමේදී සොරකම් කරන ලද තඹ කම්බි තොගය සොයා ගෙන ඇත. සොරකම් කරන ලද තඹ කම්බි ප්‍රවාහනයට යොදා ගත් ලොරියක්ද පොලිස් බාරයට ගෙන ඇත.
සැකකරුවන් පුත්තලම දිසා අධිකරණයට ඉදිරිපත් කිරීමට නියමිතය. කල්පිටිය පොලීසිය වැඩිදුර පරීක්ෂණ කරගෙන යයි.